मंगळवार, नोव्हेंबर 12, 2019
   
Text Size

व्रते, सण वगैरे

आणि आपट्याचे सोने लुटायला भाऊ जातो. घरी येतो व बहीण त्याला ओवाळते :

दसर्‍याचे दिशीं             आपट्याची लुटालुटी
सारंगी घोडा पिटी             गोपूबाळ

अंबाबाईला बायकांचे नवस असायचे :

नवस मी केला             मनांतल्या मनांत
मला पावली जनांत             जोगेश्वरी

ज्या गोष्टींसाठी नवस केला, ती गोष्ट मिळाली. आता मला नवस फेडू दे :

नवस मी केला             नवसाजोगी झाल्यें
नवस फेडूं आले             जोगेश्वरीचा

लहान मुलगी सासरी गेलेली. तिचा सांभाळ अंबाबाईने करावा म्हणून माता नवस करते :

नवस मी केला             अंबाबाईला कमळ
परदेशीं तू सांभाळ             उषाताईला
नवस मी केला             अंबाबाईला ताम्हन
परदेशी गेली लहान             उषाताई

अंबाबाईच्या पाया पडून स्त्री म्हणते :

आई अंबाबाई             पडते पायां लेक
चुडे अभंग राख                 जन्मवेरी

शिमग्याच्या सणात बहिणीचे भाऊ डफ हाती घेतात. ते क्षणभर गमतीसाठी खेळी बनतात. बहीण कौतुकाने म्हणते :

शिमग्याच्या सणा         भाऊ माझे खेळी
डफावर जाळी                 मोतियांची

अशी ही वर्णने आहेत. मिळाल्या ओव्या त्या देत आहे :

 

पुढे जाण्यासाठी .......